La banda

La Banda

« Es aquí que trobèt Colomba. Aviá rebauçat sa gonèla longa fins als genolhs e jogava a desfisar las èrsas. Èra palla coma un ciri, las pòtas sangbegudas. Après l'abandon, un autre abandon. Après lo freg de la glaça, lo freg de l'aiga. Colomba semblava pas conóisser ges de tèrme, ni crénher ges de dangièr. Ni per orguèlh, ni per consciéncia d'una fòrça. Puslèu per amor de la vida. E fariá abans, coma que virèsse. »

La Banda, après quauques suspresas dins lo país, vai portar sa musica descabestrada cap au nòrd. Lion, Morzine, Arbois, las fèstas seràn chucosas o amaras. Barlinga barlanga, la Banda agandirà la Mar dau Nòrd. Ai d'aqueles musicaires ! De caçaires de nivols...