Lo papagai e lo robòt
Dins una vilòta, de cans desapareisson ; la premsa ne parla, l'inquietud ganha. Florença, jove retirada, a paur pel seu Perlon... Es dins aquel contèxt que l'ostal aculhís dos « membres » novèls, un papagai, puèi un robòt, que lor preséncia insolita serà pas sens consequéncias sus la vida de la familha, del vesinatge, e mai del barri de las Pimparèlas.
Après aver conversat entre elas dins las faulas, los contes, los libres d'imatges, las bendas dessenhadas, las bèstias parlan amb de voses umanas al cinèma e a la television ; un artifici dels òmes per parlar d'eles meteisses. Mas uèi, la votz umana pòt sortir tanben de la boca d'un robòt !
Se totes dos, lo papagai e lo robòt, tenián convèrsa un jorn, qué se dirián, e qué dirián dels òmes ? Un escambi improbable, levat per Sèrgi Gairal dins Lo papagai e lo robòt. Un roman original, plen de suspresas, que nos interpèla sus nòstre pròpri compòrtament, e pus globalament sus l'evolucion de l'òme e de la societat.
